Hiqen makinat e parkuara në hapësira publike në Vlorë, mjete të marra me karotrec dhe gjoba

Autoritetet në Vlorë kanë vijuar me intensitet aksionin për lirimin e hapësirave publike të zëna në mënyrë të paligjshme, si dhe për ndëshkimin e automjeteve të parkuara në mënyrë të gabuar në zona të dedikuara për këmbësorët apo shërbime publike.

Policia, në bashkëpunim me strukturat vendore, po ndërhyn në disa zona të qytetit, duke larguar automjetet, bllokuar mjetet në shkelje, dhe vendosur masa administrative ndaj drejtuesve që nuk respektojnë rregullat.

Fushata me moton “Jo më hapësira publike të zëna pa të drejtë” është shtrirë në të gjithë qytetin dhe synon çlirimin e trotuareve, rrugëve dytësore dhe hapësirave të përbashkëta, të cilat prej kohësh ishin uzurpuar nga biznese apo individë.