Banorët e lagjes Cakua në Himarë shprehin shqetësimin e tyre për gjendjen e mjerueshme të infrastrukturës rrugore. Ata pohojnë se rrugët janë në gjendje të degraduar, shpesh të pakalueshme dhe prej kohësh të lëna pas dore nga autoritetet vendore. Kjo situatë, sipas tyre, ka pasoja të drejtpërdrejta në jetën e përditshme dhe sjell vështirësi të mëdha gjatë sezonit turistik.
Sipas familjeve që presin turistë në shtëpitë e tyre, mungesa e një rruge të rregullt është bërë një problem serioz. Vizitorët shpesh ankohen për vështirësitë në qarkullim dhe disa prej tyre, të zhgënjyer nga kushtet, zgjedhin të largohen më herët sesa kishin planifikuar.