Një ngjarje tragjike ka tronditur qytetin Terni në Itali, ku një grua shtatzënë në muajin e fundit të pritjes ka tentuar të vetëvritet duke u hedhur nga dritarja e katit të dytë të banesës ku jetonte. Ngjarja ka ndodhur në orët e para të mëngjesit të së dielës dhe ka sjellë pasoja të rënda.
Pavarësisht ndërhyrjes së shpejtë mjekësore, foshnja nuk ka mundur të mbijetojë. Ndërsa e ëma ndodhet aktualisht në gjendje kritike në spital, ku po merr trajtim intensiv. Autoritetet italiane kanë nisur hetimet për të zbardhur rrethanat e plota të këtij akti dramatik.
Burime nga policia bëjnë të ditur se dyshohet për një tentativë vetëvrasjeje, ndërsa mësohet se gruaja kishte pasur probleme shëndetësore të mëparshme, edhe pse identiteti i saj nuk është bërë ende publik. Sipas raportimeve, ajo jetonte me bashkëshortin dhe çifti nuk kishte fëmijë të tjerë.
Kjo ngjarje ka prekur thellë komunitetin vendas, i cili është tronditur nga lajmi i humbjes së jetës së foshnjës dhe gjendja e rëndë e nënës. Hetimet vazhdojnë për të zbuluar motivet që mund ta kenë çuar gruan në këtë veprim të rëndë dhe për të kuptuar nëse ka pasur sinjale të mëhershme që mund të ishin shmangur.
Be First to Comment