Një hetim i nisur prej muajsh nga SPAK ka sjellë lëshimin e 13 urdhërarresteve në qytetin e Shkodrës, në kuadër të një çështjeje për trafik ndërkombëtar të kokainës dhe heroinës.
Sipas burimeve, 7 persona janë arrestuar, 1 është vetëdorëzuar, ndërsa 5 të tjerë vijojnë të jenë në kërkim. Të dhënat janë siguruar pas zbërthimit të komunikimeve në aplikacionin Sky ECC, i përdorur nga rrjete kriminale për të fshehur aktivitetet e tyre.
Operacioni, që lidhet me dosjen e koduar “Ura”, është zhvilluar në orët e para të mëngjesit të sotëm, rreth orës 5:00.
Mes personave të ndaluar janë Vilson Roçi dhe Akil Alushi, ndërsa pasdite është vetëdorëzuar edhe Erjon Dani, ish-shef i krimeve në komisariatin nr. 3 në Tiranë. Ai kishte disa kohë që ishte larguar nga radhët e policisë.
Në kërkim janë shpallur:
Ledri Lulashi
Lorenzo Çadri (i njohur edhe me mbiemrat Hysko dhe Isufi)
Sokol Masha
Sipas informacioneve të para, rrjeti kriminal dyshohet se ka qenë i përfshirë në trafikimin e lëndëve narkotike nga Amerika Latine drejt Evropës, përmes kontakteve dhe rrugëve të krijuara nga Shqipëria.
Be First to Comment