Ashpërsohet përplasja mes banorëve të Thethit me forcat e policisë. Ndërhyjnë edhe përfaqësuesit e PD!

Fadromat e IMT-së vazhdojnë shembjet në Theth edhe këtë të shtunë

Edhe pse fundjavë, punonjësit e Inspektoriatit të Mbrojtjes së Territorit kanë vijuar me ndërhyrjet në Theth, duke shembur ndërtesa të konsideruara pa leje ndërtimi në zemër të Alpeve shqiptare.

Pas tensioneve të shënuara ditën e premte, situata ka vijuar e acaruar edhe sot. Në përplasjet e fundit janë përfshirë edhe figura të opozitës, çka ka shtuar tensionin në terren.

Përplasja verbale më e fortë u regjistrua mes drejtorit të ri të policisë, Gentian Berberi, dhe përfaqësuesve të opozitës në Shkodër. Sipas pretendimeve të Luçiano Boçit dhe deputetit Bardh Spahia, Berberi u ka drejtuar atyre një deklaratë provokuese: “Ju tërheq edhe ju zvarrë.”