Aksident në Bulqizë! Përplasen dy automjete, lëndohen shoferët

Një aksident i rëndë rrugor është regjistruar këtë pasdite në zonën që lidh Lagjen e Vjetër me lagjen e Re, ku dy automjete të tipit “Mercedes Benz” janë përplasur me njëra-tjetrën. Si pasojë e përplasjes janë lënduar të dy drejtuesit e makinave, ndërsa dëmet materiale në mjetet e përfshira janë të konsiderueshme.

Pamjet nga vendngjarja tregojnë përmasat e forta të përplasjes, e cila ka rrezikuar seriozisht sigurinë e kalimtarëve që ndodheshin në trotuar në momentin e aksidentit, si dhe të një shitësi ambulant në afërsi.

Policia ka mbërritur në vendngjarje dhe ka nisur hetimet për të sqaruar rrethanat e aksidentit. Banorët e zonës ngrenë shqetësimin për mungesën e sinjalistikës rrugore në këtë kryqëzim mjaft të frekuentuar, çka mund të ketë qenë një nga faktorët që çoi në këtë ngjarje.