Këngëtari shqiptar Shpat Kasapi ka ndërruar jetë në Itali, në moshën 40 vjeçare, duke lënë mes dhimbjes së pamasë familjen, miqtë dhe gjithë dashamirësit e muzikës së tij. Në Shqipëri, Kosovë dhe Maqedoni vajtojnë sot për një nga artistët me këngët e të cilit u rritën breza.
Shpati mësohet se kishte shkuar në Itali për një koncert dhe sapo ka mbërritur në hotel, ka pësuar arrest kardiak dhe ka gjetur vdekjen e menjëhershme. Ai ishte baba i një djali të vogël, të cilin tashmë Selvija duhet ta rrisë e vetme.
Newsbomb.al mëson se shumë vite më parë, edhe babai i tij, këngëtari dhe tekstshkruesi Naim Kasapi ka ndërruar jetë në moshë të re, duke lënë fëmijët jetimë.
Vite më parë, nëna e tij Gjylymsere Kasapi ka treguar për ikjen e hershme të bashkëshortit dhe sakrificat për të rritur e vetme fëmijët. Ajo ka qenë pedagoge në Universitetin e Shkupit dhe deputete në Kuvendin e Maqedonisë.
Shpati udhëtar në fatin tragjik të të atit, edhe babai
Shpat Kasapi me nenen – fotografi e vitit 2015
Mesa duket, fati tragjik i këngëtarit ka qenë i shënjuar në rrugën e të atit e i tillë do të jetë edhe për bashkëshorten e tij Selvije dhe djalin Roel.
Vogëlushi do të rritet nga nëna e tij, pas vdekjes së parakohshme të Shpat Kasapit, ashtu siç u rrit edhe këngëtari nga nëna e tij Gjylymserja, kur tekstshkruesi Naim Kasapi ndërroi jetë dhe barra i ra asaj si kryefamiljare.
“Fatkeqësisht, Naimi vdiq në moshë relativisht të re dhe barra ngeli mbi mua. Është shumë e vërtetë se prindi asnjëherë nuk është i kënaqur më sukseset e arritura të fëmijëve, por kjo gjithsesi është subjektive. Konsideroj se fëmijët e mi kanë arritur atë që kanë dëshiruar dhe konsideroj se duhet të jem e lumtur si nënë e tyre”, është shprehur ajo vite më parë.
Selvije Jao, bashkëshortja e Shpat Kasapit, i cili ndërroi jetë papritur si pasojë e një ataku në zemër, ndan dhimbjen e saj për humbjen e tij.
Në një postim emocionues në rrjetet sociale, ajo tregon për vuajtjen, lodhjen dhe boshllëkun që la Shpati në jetën e familjes.
“Ndrove jetë nẽ krahët e mi, o jetë…
Sa të lumtur ishim që më në fund Roelit po i beheshin dokumentat në ltali, që të mund ta çonim sa me shpejt tek logopedët më të mirë. Sa jemi lodhur, sa jemi stresuar… dhe askush nuk e di!
Sa të afert kemi qenë, sa bashkëpunues ne privatësine tonë, duke shijuar rritjen dhe zhvillimin e Roelit. Nuk prite ta dëgjoje duke te thirrur babi… nuk prite, Shpat. Nxitove dhe na le ketu vetem, pa ty.
E le Roelin jetim, o Shpat…
Në kohën kur më së shumti kishte nevojë për ty.
Në kohen kur duart e tuai duheshin me shumë se kurrë.
Si t’ia shpjegoj Roelit qe babi nuk
është më?
Mẽ thoje gjithmonë se do tē mẽ doje deri sa vdekja të na ndante… por pse u ndave nga jeta ne krahet e mi, pse ma kepute zemrën kështu, o jetë?
Inshallah takohemi në Xhenet…
Allahu tē deshi pranë vetes por une mezi pres tē zgjohem nga gjumi dhe te jesh ketu për ne”, shkruan ajo.
Be First to Comment