Një tërmet i fuqishëm që goditi zonën e Oqeanit Paqësor ka shkaktuar alarm për cunami në disa shtete dhe rajone. Presidenti i SHBA-së, Donald Trump, përmes një postimi në platformën X (ish-Twitter), ka reaguar duke i bërë thirrje qytetarëve të qëndrojnë të sigurt.
“Për shkak të një tërmeti të fuqishëm që ka ndodhur në Oqeanin Paqësor, është lëshuar një alarm cunami për banorët e Havait. Në gatishmëri për cunami janë gjithashtu Alaska dhe bregu perëndimor i Shteteve të Bashkuara. Edhe Japonia ndodhet në zonën e prekur. Për informacionet më të fundit, vizitoni faqen tsunami.gov/. Qëndroni të fortë dhe të sigurt!”, shkruan Trump.
Autoritetet amerikane kanë aktivizuar qendrat e emergjencës dhe kanë bërë thirrje për evakuim në zonat bregdetare ku pritet mbërritja e valëve. Situata po ndiqet me vëmendje edhe në Japoni, ku paralajmërimet për cunami janë në fuqi për disa rajone lindore dhe jugore të vendit.
Be First to Comment