Një ngjarje e rëndë është shënuar mbrëmjen e sotme në fshatin Risili të Vlorës, ku një i ri 27-vjeç është plagosur me armë të ftohtë. I riu ka marrë një goditje me thikë në zonën e barkut dhe është transportuar me urgjencë drejt Spitalit Rajonal të Vlorës për trajtim mjekësor.
Burime nga vendngjarja bëjnë me dije se ende nuk ka informacion zyrtar mbi gjendjen e tij shëndetësore. Ndërkohë, forcat e policisë kanë mbërritur në spital dhe në zonën ku dyshohet se ka ndodhur plagosja, duke nisur menjëherë hetimet për të zbardhur rrethanat e incidentit.
Aktualisht janë duke u marrë deklaratat e para, ndërsa grupi hetimor po punon për të identifikuar autorin ose autorët e përfshirë në këtë ngjarje.