Si nëpër filma/ Persona të a*matosur grabisin makinën e blinduar brenda tunelit, marrin 2 mln euro! Vendosën dy mjete të djegura dhe gozhda në rrugë për pengimin e qarkullimit të mjeteve

Persona të armatosur kanë grabitur një automjet të blinduar në një autostradë në provincën e Reggio Calabria-s.

Sipas raportimit të mediave italiane, ata kanë grabitur një shumë prej afërsisht dy milionë euro.

Grabitja ndodhi brenda një tuneli ku grabitësit bllokuan mjetin e blinduar.

Gjatë sulmit pati të shtëna me armë, por nuk u raportuan të lënduar.

Për të penguar hyrjen në tunel, grabitësit kishin vendosur dy makina të djegura në rrugë dhe “shtruan” asfaltin me gozhda, duke krijuar një bllokim total të trafikut dhe duke parandaluar kështu çdo mundësi që automjeti i blinduar të largohej.