Gazetari dhe analisti nga Kosova Milaim Zeka është paraqitur sot në ambientet e Strukturës së Posaçme Kundër Korrupsionit dhe Krimit të Organizuar (SPAK).
Zeka është parë rreth orës 15:00 në ambientet e SPAK, ku është përshëndetur edhe me gazetarët.
Para se të futej në SPAK, Zeka është parë duke u përqafuar me gazetaren e Top Chanel, Anila Hoxha.
Pas daljes nga Prokuroria e Posaçme, Milaim Zek, tha për gazetarët se arsyeja e paraqitjes së tij në SPAK, ishte për arsye pune.
“Thjesht isha për intervistë me zotin Dumani. Kam një vit që kërkoj intervistë”, tha Zeka për gazetarët.
Po ashtu sot dhe Aktori i njohur i humorit dhe një prej mbështetësve të flakët të së djathtës shqiptare, Jul Deda është fotografuar pasditen e kësaj të premte pranë ambienteve të Prokurorisë së Posaçme kundër Korrupsionit dhe Krimit të Organizuar.
Ka qenë vetë Juli ai i cili ka postuar këtë foto para Strukturës së Posaçme, duke shkaktuar kështu “zhurmë” në rrjetet sociale.
“Une vi sa here te doni, por ia keni ra gabim. S’keni çfare me beni…!”, shkruan aktori krah fotove, ndërkohë që nuk dihen nëse kjo “vizitë” e Dedës në Prokurori ka qenë me ftesë të tyre, apo mos ndoshta është pjesë e një prej shakave dhe komedive të radhës së aktorit.
Se për çfarë bëhet fjalë, dhe çfarë qëndron pas këtyre fotove, mbetet të zbulohet në vijim!
Be First to Comment