Në episodin e dytë të podcastit “Ma Shqip me Flamur Vezaj”, ish-kreu i Këshillit të Lartë të Prokurorisë, Alfred Balla, rrëfen për herë të parë planin për ta ekzekutuar me urdhër të kreut të bandës së Lushnjes, Laert Haxhiu. Ai thotë se vëzhgohej nga persona të armatosur, ndërsa atentati u zbulua nga dëshmia e një të penduari.
Balla sqaron se ruhet 24 orë nga Policia e Shtetit dhe se skema për atentatin ndaj tij ishte e ngjashme me ato ndaj dy prokuroreve të tjera, njëra në Lushnje dhe tjetra në SPAK.
Në intervistë, Balla ndalet edhe te përvoja si prokuror në Lushnje gjatë vitit 1997, përplasja me Prokurorin e Përgjithshëm të kohës, zgjedhja e Altin Dumanit në krye të SPAK-ut dhe ndikimi i Ambasadës Amerikane në këtë proces.
Ai flet hapur për atë që e cilëson si deformim të Reformës në Drejtësi, për përjashtimin e tij nga sistemi nga Ina Rama, Sokol Çomo dhe Rezarta Shultz, si dhe për vendimmarrje të dyfishta gjatë vettingut, ku sipas tij u larguan njerëz të ndershëm dhe mbetën të korruptuar.
Për më shumë detaje dhe zbardhje ekskluzive, intervista mund të ndiqet në platformat zyrtare të “Ma Shqip me Flamur Vezaj”.
Comments are closed.