Ferdinand Rama, vëllai i Anesti Ramës i cili u vra në Fier nga vajza e tij Emanilda Rama, ka rrëfyer detaje të reja tronditëse për marrëdhëniet familjare që sipas tij ishin të prishura prej vitesh.
Nga Greqia ku jeton prej kohësh, ai tha për mediat se kishte rreth dy vite e gjysmë që nuk fliste me të vëllanë, pasi bashkëshortja e Anestit nuk e lejonte. Sipas tij, viktima nuk kishte marrëdhënie të mira me bashkëshorten e tij, e cila dyshohet se ka qenë e përfshirë në fshehjen e krimit pas vrasjes.
“E kemi ditur që më përpara, nuk shkonin mirë. Ajo thoshte nuk e dua burrin, merreni ju, bëni çfarë të doni. Ka thënë vetë unë nuk e dua. Vëllai punonte. Ata kanë dy vajza”, tregoi Ferdinand Rama.
Ai shtoi se lajmin për vdekjen e Anestit e mori nga bashkëshortja e tij, pasi ishte kunata që e njoftoi. “Lajmëroi gruan time në telefon dhe i tha se Anesti ka vdekur” – u shpreh ai.
Ferdinandi sqaroi se për gjendjen shëndetësore të të vëllait pyeste gjithmonë vëllain tjetër, pasi nuk kishte komunikim të drejtpërdrejtë. “Më thoshte është mirë, por pak i dobët, ka pak kollë” – përfundoi ai.
Ngjarja që tronditi opinionin publik vazhdon të hetohet nga autoritetet, ndërsa dyshimet për përfshirje të familjarëve të tjerë në fshehjen e provave sa vijnë dhe shtohen.
Be First to Comment