Një zhvillim i rëndësishëm në politikën e jashtme amerikane është raportuar së fundmi nga prestigjiozja Wall Street Journal. Sipas saj, senatori Marco Rubio ka firmosur një memorandum të ri që përshkruan qasjen e administratës Trump për zgjedhjet dhe demokracinë jashtë kufijve të SHBA-së.

Sipas dokumentit, Shtetet e Bashkuara nuk do të prononcohen më për zgjedhjet në vendet e tjera, duke i dhënë fund rolit tradicional të “arbitrit” ndërkombëtar që SHBA kishte për dekada – kritikëve të proceseve zgjedhore, dhënësit të udhëzimeve dhe mbështetësve të opozitave demokratike në regjime të dyshimta.

Ky ndryshim është pjesë e filozofisë jointervencionaliste të ish-Presidentit Trump, e cila thekson bashkëpunimin mbi bazë interesash kombëtare amerikane, pavarësisht se çfarë regjimi apo sistemi politik ka një shtet tjetër.

Nëse një qeveri nuk shkel interesat jetike të SHBA-së, ajo nuk do të kritikohet, edhe nëse është autoritare. Vetëm kur shfaqet rrezik për interesat amerikane, SHBA do të ndërhyjë ose do të mbajë qëndrim.

Ky pozicion u përmend për herë të parë nga Trump në OKB që në vitin 2017, dhe tani po formalizohet në administratën e re që mund të vijë nëse Trump rikthehet në Shtëpinë e Bardhë.

E njëjta logjikë është shpallur edhe nga Kina përmes presidentit Xi Jinping, i cili ka deklaruar se Pekini nuk ndërhyn në punët e brendshme të shteteve të tjera, për sa kohë mbajnë marrëdhënie të mira ekonomike dhe strategjike me Kinën.

Për Demin, data 23 korrik sjell një moment kyç, kur Dielli në Luan do të lidhet me Uranin në Binjakë. Kjo ngjarje astrologjike krijon kushte ideale për përfitime të papritura, veçanërisht në sektorin e pasurive të paluajtshme. Mund të shisni një pronë, të merrni të ardhura nga një pasuri me qira ose të nisni një investim të ri që në pamje të parë mund të duket i pazakontë, por që mbart potencial të lartë fitimi. E vetmja kërkesë është të mos frenoni veten dhe të mos dyshoni në rrjedhën e ngjarjeve, sepse mund të jetë pikërisht një vendim i papritur ai që do të përkufizojë të ardhmen tuaj financiare për shtatë vitet e ardhshme.

Gaforrja duhet të fokusohet te një fillim i ri që lidhet ngushtësisht me energjinë e Hënës së Re në Luan më 24 korrik. Kjo është një kohë ideale për të ndërmarrë iniciativa që sjellin përfitime materiale, si hapja e një biznesi të ri, ndërrimi i vendit të punës apo një projekt që më në fund merr jetë. E rëndësishme është që çdo hap të ndërmerret për veten dhe jo si pasojë e presionit social apo krahasimit me të tjerët. Luani aktivizon pikërisht zonën që lidhet me vlerësimin personal dhe besimin në atë që meritoni, ndaj është koha për të dalë nga hije dhe për të marrë vendin që ju takon, duke ndërtuar sigurinë financiare që keni ëndërruar gjithmonë.

Bricjapi këtë javë do të përfitojë më shumë përmes bashkëpunimit. Kalimi i Diellit në Luan më 22 korrik i jep start një periudhe ku suksesi financiar nuk varet vetëm nga përpjekjet individuale, por nga aftësia për të ndarë barrën me të tjerët. Kjo mund të marrë formën e një partneriteti romantik që shndërrohet në iniciativë biznesi, ose bashkëpunimi me një anëtar të familjes për një sipërmarrje të re. Qëllimi nuk është një fitim i shpejtë, por krijimi i një themeli të qëndrueshëm që mund të shërbejë si trashëgimi, qoftë në kuptimin financiar apo shpirtëror. Bricjapi është tashmë në një fazë ku mendon në mënyrë strategjike dhe planifikon të ardhmen, ndaj duhet të pranojë ndihmën kur i ofrohet dhe të mos e përballojë çdo sfidë i vetëm.

Kjo javë është e përshtatshme për të marrë rreziqe të arsyetuara, për të investuar në veten dhe për të bërë zgjedhje që nuk lidhen me pasigurinë, por me vetëdijen se meritoni më shumë. Gaforrja, Demi dhe Bricjapi duhet të veprojnë me besim, të dëgjojnë sinjalet që u jep universi dhe të kuptojnë se suksesi nuk matet me krahasime, por me mënyrën se si ndërtoni jetën që ju përfaqëson.

Ajo shpjegoi se temperaturat kanë qenë në rritje të vazhdueshme dhe vetëm një ditë më parë janë regjistruar deri në 37 gradë në disa qytete. Sipas Xhakollarit, në ditët në vijim do të ketë një rritje të mëtejshme prej 1–2 gradësh, duke e afruar vendin gjithnjë e më shumë me pragun e 40 gradëve.

“Pritet që nga e mërkura e ardhshme e deri në fundjavë, termometri të ngjitet në 40 apo edhe 41 gradë në disa zona,” u shpreh ajo.

Ndryshe nga korrikët e zakonshëm që shquhen për mot të thatë dhe të qëndrueshëm, ky muaj, sipas meteorologes, pritet të sjellë edhe ndërprerje nga reshje lokale dhe luhatje atmosferike.

“Po përjetojmë një korrik më të paqëndrueshëm krahasuar me vitet e kaluara. Përveç të nxehtit përvëlues, mund të kemi edhe stuhi të shkurtra ose reshje të lokalizuara, veçanërisht në fund të muajit,” shtoi ajo.

Në këtë kontekst, Xhakollari apeloi për kujdes të shtuar gjatë ditëve me temperaturë ekstreme. Ajo rekomandoi shmangien e ekspozimit në diell gjatë orëve më të nxehta të ditës, konsumimin e lartë të lëngjeve dhe mbrojtjen e fëmijëve dhe të moshuarve – grupet më të rrezikuara nga vala e të nxehtit.

Këto zhvillime meteorologjike vijnë në një periudhë kur shumë qytetarë janë në kulmin e planifikimit të pushimeve, çka mund të ndikojë në zgjedhjen e datave dhe destinacioneve për të shmangur temperaturat përvëluese.

“Ne jemi mësuar që në vjeshtë të shohim arrestime të profilit të lartë. Edhe kur erdhi përfaqësuesja e ambasadës amerikane, paralajmërimi i saj u pasua menjëherë nga një operacion ndërkombëtar kundër trafikantëve të drogës në Amerikën Latine”, tha Karamuço.

Ai paralajmëroi gjithashtu se zbërthimi i aplikacionit të enkriptuar “Matrix” do të mund të zbulojë lidhje shqetësuese mes krimit dhe politikës. Sipas tij, hetimet kanë hyrë në një fazë ku përfshihen edhe funksionarë publikë, duke përfshirë prokurorë, politikanë dhe oficerë të policisë gjyqësore, të cilët dyshohet se kanë përdorur këto platforma të komunikimit të koduar.

“Problemi nuk qëndron vetëm te grupet kriminale. Në këto rrjete kanë komunikuar edhe individë të sistemit. Dhe kjo është alarmante”, u shpreh eksperti.

Karamuço përmendi gjithashtu përdorimin e aplikacioneve të tjera të enkriptuara si “EncroChat” nga disa politikanë në të kaluarën, duke shtuar se ata shpesh mburreshin me teknologjitë e tyre të sofistikuara, madje edhe me telefona të sjellë nga jashtë për të shmangur përgjimet.

“Deri më sot nuk ka një provë të qartë që lidh politikën me grupet kriminale, por janë mbledhur materiale që mund të çojnë në zbulime të rëndësishme. Ka pasur raste si ai i deputetit Çyrbja, por nuk jemi ende te figurat më të larta”, tha ai.

Sipas tij, muajt që vijnë do të jenë vendimtarë dhe pritet që zhvillimet të shtohen me përshpejtimin e bashkëpunimit ndërkombëtar për përkthimin dhe analizimin e të dhënave nga aplikacioni “Matrix”.

Sipas Peskov, deklaratat e Trump – i cili i ka dhënë Rusisë një afat 50-ditor për t’i dhënë fund luftës në Ukrainë, duke paralajmëruar njëkohësisht mbështetje të re ushtarake për Kievin – janë të rëndësishme dhe meritojnë analizë serioze. Ai shtoi se nëse Presidenti Putin e sheh të arsyeshme, do të ketë një reagim zyrtar nga ana e tij.

Zëdhënësi rus kritikoi gjithashtu qëndrimet e Uashingtonit dhe aleatëve të NATO-s, duke i cilësuar ato si sinjale që mund të inkurajojnë vazhdimin e luftës, në vend që të nxisin dialogun dhe paqen.

Megjithatë, Peskov la të hapur derën për një raund të tretë bisedimesh me Ukrainën, duke kujtuar se dy takimet e mëparshme – përfshirë atë në Stamboll – nuk kanë sjellë rezultate konkrete. “Rusia është e gatshme të dëgjojë çdo propozim serioz nga pala ukrainase,” tha ai.

Nga ana tjetër, Trump, që prej rikthimit në Shtëpinë e Bardhë, ka theksuar disa herë synimin e tij për të ndërmjetësuar një marrëveshje paqeje midis Moskës dhe Kievit. Ndonëse më parë ka pasur marrëdhënie të ngushta me Putinin, ai tani ka ndryshuar tonin, duke kritikuar refuzimin e Rusisë për të pranuar idetë e tij për armëpushim.

Gjatë një konference të përbashkët me Sekretarin e Përgjithshëm të NATO-s, Mark Rutte, Trump paralajmëroi se nëse nuk arrihet një marrëveshje brenda 50 ditëve, SHBA do të vendosë masa ndëshkuese ekonomike ndaj vendeve që mbështesin Moskën.

Sipas dëshmisë së vajzës, burri kishte një sjellje të dyshimtë dhe të pakëndshme. Ai vëzhgonte rreth e rrotull për të siguruar që nuk po vëzhgohej, e më pas kryente veprime të turpshme drejtuar vajzës. Madje, ajo ka treguar se ai i ka bërë edhe disa gjeste të pahijshme me duar, duke e vënë atë në një situatë shumë të pakëndshme.

E revoltuar nga kjo sjellje, vajza e ka përballuar burrin duke i thënë: “Nuk të vjen turp? Jam në moshën e mbesave të tua!” – një reagim i menjëhershëm që ka bërë që burri të ulej në vendin e tij, të merrte telefonin dhe të përpiqej të shmangte çdo përgjigje apo komunikim të mëtejshëm.

Ngjarja ka shkaktuar reagime të forta nga qytetarët në rrjetet sociale, ku shumë prej tyre kanë shprehur mbështetje për vajzën dhe kanë dënuar me forcë sjellje të tilla në hapësirat publike. Kjo situatë ka ngritur edhe njëherë shqetësimin për sigurinë në plazhe dhe nevojën për praninë e shtuar të autoriteteve për të parandaluar raste të ngjashme.

Në një letër drejtuar Presidentes së Komisionit Evropian, Ursula von der Leyen, Trump theksoi se marrëdhëniet tregtare mes SHBA-së dhe BE-së kanë qenë të pabalancuara ndër vite dhe se ishte koha për të vendosur kushte më të barabarta.

“Kemi pasur vite që diskutojmë marrëdhëniet tona tregtare me Bashkimin Evropian dhe kemi arritur në përfundimin se duhet të largohemi nga këto deficite tregtare afatgjata të mëdha dhe të vazhdueshme, të shkaktuara nga politikat dhe barrierat tuaja tregtare tarifore dhe jo-tarifore. Marrëdhënia jonë, për fat të keq, ka qenë larg të qenit reciproke”, thuhet në letër.”
Por Presidentja e Komisionit Evropian, Ursula von der Leyen, ka reaguar menjëherë ashpër ndaj vendimit të Presidentit amerikan Donald Trump për vendosjen e tarifave 30% ndaj produkteve evropiane të importuara në SHBA, duke paralajmëruar se ky veprim do të prishë seriozisht zinxhirët transatlantikë të furnizimit dhe do të dëmtojë ekonominë në të dy anët e Atlantikut.

Në letrën e tij drejtuar Meksikës, Trump tha se nuk mendon se vendi kishte bërë mjaftueshëm për të ndaluar që SHBA-të të shndërroheshin në një “fushë lojërash për trafikim narkotikësh”.
Letra drejtuar BE-së vjen pavarësisht faktit se negociatat tregtare janë ende duke u zhvilluar midis Brukselit dhe Uashingtonit, duke u përpjekur të arrijnë një marrëveshje që mund të pranohet nga shtetet anëtare të unionit. Ata shpresonin të arrinin një marrëveshje para afatit të 9 korrikut, por nuk ka pasur njoftime për progresin.
Bashkimi Evropian me 27 anëtarë është partneri më i madh tregtar i Shteteve të Bashkuara — importet në SHBA me vlerë 605 miliardë dollarë tejkalojnë Meksikën, Kanadanë dhe madje edhe Kinën. Kategoria më e vlefshme janë ilaçet dhe produktet farmaceutike, të ndjekura nga automobilat, avionët dhe makineri të tjera të rënda.

Daum kishte mbërritur pak ditë më parë për të marrë pjesë në ceremoninë e përurimit të shtatores së Josif Budos në Kavajë, një ngjarje ku ishte i pranishëm edhe Sali Berisha. Gjatë aktivitetit, ai u nderua me një Certifikatë Mirënjohjeje nga kryetari i Bashkisë së Kavajës, Fisnik Qosja, për kontributin e tij të çmuar diplomatik ndaj Shqipërisë.

Në fjalimin e mbajtur, Daum kujtoi vitet kur hapi ambasadën gjermane në Shqipëri më 1987, duke folur me emocione për lidhjen e tij me vendin dhe për sakrificën e Josif Budos, të cilën e cilësoi si “shkëndijën për një Shqipëri të re”.

Megjithëse prej vitesh larg diplomacisë aktive, Daum kishte ruajtur një lidhje të veçantë me Shqipërinë – një vend që, siç tha vetë, e kishte lënë gjurmë të thellë në jetën e tij.

“Jam jashtëzakonisht i lumtur që ndodhem këtu, por ju kërkoj ndjesë që nuk flas më në gjuhën shqipe. Flisja shqip rrjedhshëm kur hapa ambasadën gjermane këtu në vitin 1987. Dhe gjuha juaj e bukur më ka shoqëruar gjatë gjithë kësaj kohe. Siç e dini, dhe më të rinjtë prej jush mund ta kenë dëgjuar, shqiptarëve atëherë nuk u lejohej të flisnin me të huajt. Por shqiptarët ishin të guximshëm, edhe nën shtypjen komuniste, dhe më afroheshin në rrugët e Tiranës, e edhe më shumë jashtë kryeqytetit. Më afroheshin kur udhëtoja nëpër këtë vend të bukur, në Durrës, në Shkodër, në Elbasan dhe në Kavajë. E ndjeva, të paktën që në vitin 1988, se populli shqiptar nuk ishte më i gatshëm ta mbështeste regjimin. Nuk ishin vetëm individë. I gjithë populli i Shqipërisë, dhe sidomos të rinjtë, rinia, studentët, por edhe të rinjtë e zakonshëm, nuk donin më të jetonin nën shtypje. E dija që duhej vetëm një shkëndijë për të ndezur një revolucion. Dhe ajo shkëndijë erdhi pikërisht këtu, nga Kavaja.

Nuk e kam njohur Josif Budon. Vetëm dëgjova në Tiranë se kishte një kryengritje në Kavajë, se të paktën një person ishte vrarë nga Sigurimi. Por kjo ishte shkëndija që ndezi jo vetëm një rebelim, por revolucionin për liri. Josif Budo pagoi çmimin më të lartë për mendimin e tij, për dëshirën dhe për dashurinë ndaj vendit të tij. Sakrifica e tij ofroi atë që ishte e nevojshme për të nisur revolucionin, jo vetëm të 3,000 njerëzve që erdhën në ambasadën time atë kohë, por të të gjithë popullit shqiptar. Sakrifica e Josif Budos ishte një moment që jo vetëm më frymëzoi mua, por edhe ata 3,000 njerëz që ndodheshin në ambasadë, edhe pse shumica prej jush jeni shumë të rinj për t’i kujtuar, dhe vetëm keni dëgjuar për to. Por ju të gjithë e dini dhe do të përcillni më tej guximin dhe sakrificën e Josif Budos, i cili vërtet ndezi Shqipërinë e re, një Shqipëri të lirë, një Shqipëri me të ardhme për të gjithë qytetarët e saj. Duhet ta dini dhe ta përcillni sakrificën e Josif Budos, e cila nuk ishte vetëm një shkëndijë për Shqipërinë, por sakrifica e nevojshme për të krijuar një Shqipëri të re,” tha Daum më 10 korrik 2025.

Kush ishte Werner Daum – Diplomati gjerman me një lidhje të veçantë me Shqipërinë

Werner Daum lindi në vitin 1943 dhe ishte një diplomat dhe autor gjerman me një karrierë të pasur në shërbimin diplomatik dhe në fushën e të drejtave të njeriut. Ai njihej edhe si studiues i historisë kulturore të Jemenit, Sudanit dhe vendeve të Gadishullit Arabik.

Në periudhën 1992–1995, Daum mbajti një nga postet më të rëndësishme në përfaqësimin ndërkombëtar të Gjermanisë, duke qenë Kryetar i Departamentit të të Drejtave të Njeriut në misionin gjerman në Gjenevë. Gjatë kësaj kohe, ai përfaqësoi vendin e tij në Komisionin për të Drejtat e Njeriut dhe në organizata të tjera të OKB-së me fokus në të drejtat e njeriut.

Më vonë, ai shërbeu si ministër-këshilltar në ambasadën gjermane në Tiranë, një periudhë që la gjurmë të thella në marrëdhënien e tij me Shqipërinë. Nga viti 1996 deri në vitin 2000, Daum ishte ambasador i Gjermanisë në Sudan.

Përveç angazhimeve zyrtare, ai ishte edhe autor i disa veprave studimore, veçanërisht mbi historinë dhe kulturën e Lindjes së Mesme.

Besimi, i cili ndodhet pas hekurave që nga tetori i vitit 2024 dhe po vuan një dënim prej gjashtë vitesh, pretendon se prokurori ishte informatori kryesor i bandës. Ai është shprehur në gjykatë se Yashar G., që më pas rezultoi të ishte edhe hetuesi kryesor në çështjen e tyre, kishte ndarë informacion konfidencial me grupin kriminal në këmbim të ryshfetit.

Sipas dëshmisë së shqiptarit, takimi i parë me të dyshohet të ketë ndodhur në vitin 2019 në një restorant grek. Fillimisht, prokurori i ishte prezantuar si “mik”, por më vonë, gjatë një ecjeje pranë liqenit Maschsee, ai i kishte zbuluar të vërtetën: “Jam një prokuror dhe më paguajnë.”

Besimi tregon se për informatat që merrnin nga Yashar G., ata e paguanin me 5000 euro në muaj. Për të mbrojtur identitetin e tij në komunikimet përmes aplikacionit të koduar Sky ECC, ata përdornin nofkën “Cop” (në anglisht: polic). Ai shton gjithashtu se për këtë bashkëpunim kishte informuar edhe një tjetër trafikant të njohur, Konstantinos S., i cili kishte arritur të arratisej drejt Dubait përpara se të arrestohej.

Hetimet kanë zbuluar se banda kishte planifikuar të trafikonte 16 ton kokainë nga porti i Hamburgut – një operacion gjigant që u shkatërrua pikërisht gjatë kohës kur Yashar G. ishte zyrtarisht përgjegjës për hetimet.

Rasti ka shkaktuar tronditje në opinionin publik gjerman, ndërsa ndaj prokurorit Yashar G. ka nisur një hetim penal për ryshfet dhe bashkëpunim me grup të strukturuar kriminal.