Sipas mediave italiane, avokati i Lorena Venier, Giovanni De Nardo, konfirmoi se klientja e tij ka pranuar krimin, duke qenë dukshëm e tronditur nga egërsia e aktit.

“Isha unë dhe di që ajo që bëra është e tmerrshme,” – ka deklaruar ajo para autoriteteve, duke marrë përgjegjësinë e plotë për ngjarjen.

Sipas hetuesve, vrasja ka ndodhur më 25 korrik, në mbrëmje, në banesën familjare, ku më pas trupi i Alessandro-s u copëtua dhe u fsheh në një kosh plastik në bodrumin e shtëpisë, i mbuluar me gëlqere për të penguar përhapjen e erës së rëndë.

Hetimet vazhdojnë – edhe nusja nën hetim

Ndërkohë, edhe Marilyn Castro, bashkëshortja e viktimës, e cila në fillim u raportua si viktimë, është nën hetim për përfshirje në vrasje.
Sipas avokates së saj, Federica Tosel, klientja është në një gjendje të rënduar psikologjike dhe nuk ka bërë ende deklaratë për shkak të mungesës së qasjes në dosjen hetimore. Avokatja theksoi se Marilyn ka nevojë për mbështetje, veçanërisht për faktin se është nënë e një foshnje gjashtëmuajshe, e cila aktualisht ndodhet në kujdesin e shërbimeve sociale.

Tensionet familjare, pista e konfliktit

Burime nga hetimet tregojnë se atë mbrëmje kishte pasur një përplasje të fortë verbale mes të treve – Lorena, Marilyn dhe Alessandro – lidhur me mospërfshirjen e tij në detyrat shtëpiake dhe tensionet e vazhdueshme brenda familjes. Megjithatë, autoritetet nuk kanë zbuluar ende motivin e saktë dhe po presin rezultatet e autopsisë dhe analizave toksikologjike për të përcaktuar shkakun e vdekjes dhe kronologjinë e ngjarjes.

Ngjarja ka shkaktuar një reagim të fortë në opinionin publik, për shkak të dhunës ekstreme brenda një familjeje dhe mënyrës makabre të fshehjes së trupit. Prokuroria vazhdon hetimet për zbardhjen e plotë të rastit, ndërsa pritet një ekspertizë e thelluar psikologjike për të dy gratë e përfshira.

Pamjet tregojnë:
• Mobilje që lëkunden dhunshëm
• Mure që dridhen fort
• Njerëz që dalin me nxitim nga banesat dhe ambientet e brendshme

Lëkundjet kanë qenë aq intensive sa disa persona kanë humbur ekuilibrin, ndërsa në sfond dëgjohen thirrje paniku.

Tërmeti, i cilësuar si më i fuqishmi në rajon që nga viti 1952, ka shkaktuar dëme materiale dhe ka detyruar autoritetet të aktivizojnë alarmin për cunami në disa shtete përreth Oqeanit Paqësor.

Sipas Institutit Rus të Gjeofizikës, ky është tërmeti më i fortë që prej vitit 1952. Epiqendra ndodhej 119 kilometra në lindje të Petropavlovsk-Kamchatsky, në një thellësi prej 20.7 kilometrash. Vetëm gjysmë ore pas tërmetit, janë regjistruar edhe dy pasgoditje të tjera, një me magnitudë 7 ballë dhe tjetra 6.5.

⸻

Valë cunami dhe evakuime në masë

Në rajonin Yelizovsky të Kamçatkës, janë regjistruar valë cunami deri në 4 metra, ndërkohë që disa persona kanë mbetur të plagosur. Guvernatori lokal, Vladimir Solodov, deklaroi se ky ishte “tërmeti më i fortë në dekada” dhe u bëri thirrje banorëve të qëndrojnë larg bregdetit, duke ndjekur udhëzimet zyrtare të dhëna përmes altoparlantëve.

Në Japoni, autoritetet kanë urdhëruar evakuimin e menjëhershëm në pjesën më të madhe të bregdetit lindor. Valë cunami deri në 1 metër priten në Hokkaido, ndërsa lartësi më të ulëta janë parashikuar në Shikoku, Okinawa dhe pjesë të tjera të arkipelagut.

Qendrat e paralajmërimit të cunamit në SHBA kanë raportuar se valët e para kanë mbërritur në Ishujt Aleutian në Alaskë, me valë 30 cm mbi nivelin e baticës.

⸻

Autoritetet në të gjitha vendet e prekura janë në gatishmëri të lartë, ndërsa zhvillimet po monitorohen në kohë reale nga agjencitë gjeologjike dhe emergjencave civile.

Pamjet tronditëse të ngjarjes janë shpërndarë gjerësisht në rrjete sociale.

Avioni, që ishte ngritur nga Gragnano Trebbiense (në provincën e Piacenzës), humbi lartësinë dhe, pasi ra në tokë, shpërtheu në flakë mes makinave që po kalonin në autostradë. Çifti që ndodhej në bord nuk pati asnjë mundësi shpëtimi – ata u dogjën brenda mjetit fluturues.

I mbijetuari: “Jam mirë, por isha në shok”

Një 56-vjeçar, i cili po udhëtonte me makinën e tij tip Mazda drejt Venecias, i mbijetoi mrekullisht përplasjes. Edhe pse automjeti i tij u dëmtua pasi u godit nga pjesë të avionit, ai u ndihmua menjëherë nga kalimtarë të rastësishëm. “Jam mirë”, u tha ai i tronditur, ndërsa ndodhej në gjendje shoku.

Dëshmitar: “Nëse do të përpiqej të kthehej, do më godiste mua”

Enzo Bregoli, një tjetër drejtues mjeti që ndodhej pranë vendit të ngjarjes, tregoi për mediat italiane se gjithçka ndodhi brenda pak sekondash:

“Kisha filluar të ngadalësoja. Pashë një avion që vinte nga e djathta. Fluturonte ulët, por nuk dukej në telashe. Pastaj, papritur, nisi të bjerë – 30, 20 metra… Dhe e pashë teksa rrotullohej e binte drejt e në rrugë, me hundën përpara. U përplas dhe menjëherë shpërtheu në flakë. Nëse do të ishte kthyer pak, do të më godiste mua.”

Autoritetet italiane kanë nisur hetimet për të përcaktuar shkakun e aksidentit, ndërsa pritet që një analizë teknike e avionit dhe komunikimeve të fundit me kontrollin ajror të ndihmojë në zbardhjen e plotë të kësaj ngjarjeje tragjike.

Aksidentet rrugore janë një plagë e rëndë për Ekuadorin duke përbërë një nga shkaqet kryesore të vdekjeve në vend
Të dhënat zyrtare të publikuara nga autoritetet e trafikut tregojnë një bilanc alarmant vetëm gjatë periudhës janar–maj 2025 janë regjistruar 4756 aksidente të cilat kanë rezultuar me 565 viktima
Statistikat e vitit të kaluar janë edhe më shqetësuese me mbi 2300 humbje jete në rrugët e vendit më shumë se një e treta e të cilave i atribuohet drejtpërdrejt mungesës së përvojës shpejtësisë së paarsyeshme dhe pakujdesisë së shoferëve

Ky aksident i rëndë ka rikthyer në qendër të debatit publik nevojën për rritjen e kontrolleve rrugore rishikimin e kushteve teknike të mjeteve dhe forcimin e edukimit të drejtuesve të automjeteve për të frenuar tragjedi të tilla që marrin jetë të pafajshme në mënyrë të parakohshme
Autoritetet lokale kanë nisur hetimet për të përcaktuar përgjegjësitë ligjore dhe institucionale që mund të kenë ndikuar në këtë ngjarje të rëndë

Flakë në mesnatë dhe panik në qendër tregtare

Zjarrfikësit janë përballur me një situatë kaotike në “Kut Hypermarket”, ku flakët përfshinë me shpejtësi të gjithë ndërtesën, duke zënë brenda dhjetëra persona. Disa prej tyre ishin në tarracë, të bllokuar mes tymit dhe temperaturave përvëluese, ndërsa thërrisnin për ndihmë.

Në videot amatore të publikuara online, duken qartë momentet dramatike: ndërtesa në flakë, njerëz që tentojnë të shpëtojnë dhe ekipe shpëtimi që përpiqen të depërtojnë në brendësi për të nxjerrë të mbijetuarit.

Bilanci i rëndë dhe pyetjet që ngrihen pas tragjedisë

Pavarësisht përpjekjeve të menjëhershme të autoriteteve dhe ekipit të emergjencës, dëmet janë të mëdha dhe numri i viktimave është ende në rritje. Autoritetet lokale kanë njoftuar se hetimet janë në vijim për të zbardhur shkaqet e zjarrit, që ende mbeten të paqarta.

Ngjarja ka rikthyer në fokus problemet serioze që lidhen me masat e sigurisë në objektet publike në Irak, sidomos ato që frekuentohen nga shumë njerëz. Standardet e mbrojtjes nga zjarri, rrugët e emergjencës dhe reagimi i shpejtë i institucioneve përbëjnë tashmë pjesë të debatit publik pas kësaj tragjedie.

Hetimet kanë zbuluar një realitet të dhimbshëm dhe një zinxhir dështimesh institucionale që lejuan këtë fatkeqësi të ndodhte. Kur Ethan u dërgua në spital, mjekët konstatuan se ai ishte në një gjendje alarmante: i dobësuar, i dehidratuar rëndë dhe me mbi 40 shenja dhune në trup – përfshirë mavijosje, prerje dhe plagë të hapura. Ndërsa trupi i tij luftonte për të mbijetuar, ai kishte pësuar një dëmtim të rëndë në kokë që u bë fatal.

Pas hetimeve të thelluara dhe gjykimeve që zgjatën për muaj të tërë, u shpallën fajtorë gjyshi dhe gjyshja e tij – Michael dhe Kerry Ives – për vrasje dhe për keqtrajtim ekstrem të një të mituri. Nëna e fëmijës, Shannon Ives, u dënua për neglizhencë të rëndë që çoi në vdekjen e të birit.

Në sallën e gjyqit u shfaqën pamje tronditëse nga kamerat e sigurisë së vendosura brenda banesës, ku Michael shihej duke ushtruar dhunë të përsëritur ndaj vogëlushit – skena që dëshmojnë për një realitet të përditshëm dhune dhe frike në atë shtëpi.

Por më tragjikja është se kjo nuk ishte një histori e fshehur. Ethan ishte pjesë e një programi zyrtar të mbrojtjes së fëmijëve dhe duhej të kontrollohej çdo 10 ditë nga shërbimet sociale. Megjithatë, në ditët e fundit të jetës së tij, punonjësit socialë nuk u lejuan të futeshin në shtëpi – dhe nuk u mor asnjë veprim për të kuptuar se çfarë po ndodhte brenda.

Rasti ka shkaktuar reagime të ashpra në publik dhe ka nxitur thirrje për hetime të thelluara mbi funksionimin e shërbimeve sociale, që në këtë rast dështuan ta mbrojnë një fëmijë që duhej të ishte nën vëzhgim të vazhdueshëm.

Sot, historia e Ethan-it qëndron si një simbol i hidhur i asaj që ndodh kur sistemi i mbrojtjes dështon në misionin e tij më bazik: të mbrojë të pafajshmit.

Sipas Peskov, deklaratat e Trump – i cili i ka dhënë Rusisë një afat 50-ditor për t’i dhënë fund luftës në Ukrainë, duke paralajmëruar njëkohësisht mbështetje të re ushtarake për Kievin – janë të rëndësishme dhe meritojnë analizë serioze. Ai shtoi se nëse Presidenti Putin e sheh të arsyeshme, do të ketë një reagim zyrtar nga ana e tij.

Zëdhënësi rus kritikoi gjithashtu qëndrimet e Uashingtonit dhe aleatëve të NATO-s, duke i cilësuar ato si sinjale që mund të inkurajojnë vazhdimin e luftës, në vend që të nxisin dialogun dhe paqen.

Megjithatë, Peskov la të hapur derën për një raund të tretë bisedimesh me Ukrainën, duke kujtuar se dy takimet e mëparshme – përfshirë atë në Stamboll – nuk kanë sjellë rezultate konkrete. “Rusia është e gatshme të dëgjojë çdo propozim serioz nga pala ukrainase,” tha ai.

Nga ana tjetër, Trump, që prej rikthimit në Shtëpinë e Bardhë, ka theksuar disa herë synimin e tij për të ndërmjetësuar një marrëveshje paqeje midis Moskës dhe Kievit. Ndonëse më parë ka pasur marrëdhënie të ngushta me Putinin, ai tani ka ndryshuar tonin, duke kritikuar refuzimin e Rusisë për të pranuar idetë e tij për armëpushim.

Gjatë një konference të përbashkët me Sekretarin e Përgjithshëm të NATO-s, Mark Rutte, Trump paralajmëroi se nëse nuk arrihet një marrëveshje brenda 50 ditëve, SHBA do të vendosë masa ndëshkuese ekonomike ndaj vendeve që mbështesin Moskën.