Pas polemikave të fundit dhe kritikave të ashpra për episodin me Arjan Konomin, Zhaklina Lekatarin dhe Inida Gjata, Arbana Osmani ka zgjedhur të surprizojë ndjekësit e saj me një lajm të gëzueshëm dhe krejtësisht ndryshe.
Moderatorja ka njoftuar sot nisjen e programit të saj më të ri në YouTube, i cili këtë herë do të jetë i dedikuar “yjeve të vegjël”. Emisioni titullohet “Mirëmbrëma Yje Kids” dhe ka në qendër fëmijët, ëndrrat dhe botëkuptimin e tyre të sinqertë.
Arbana shprehet e emocionuar për këtë projekt të ri, duke thënë: “Me në fund, jam e lumtur t’ju lajmeroj nisjen e programit tim më të ri, që kam e shumë përzemër… Nuk është thjesht një emision, është një mundësi për të njohur më mirë fëmijët tanë, ëndrrat dhe botëkuptimin e tyre.”
Ajo zbuloi se gjatë xhirimeve ka reflektuar shumë për jetën dhe se nuk do të mungojnë as “shakatë e vogla dhe rrengjet pa zarar”.
Programi do të transmetohet çdo të diel në orën 18:00 në kanalin e saj në YouTube, duke sjellë një atmosferë më të ngrohtë dhe intime pas zhurmës mediatike të javës së kaluar.
Be First to Comment