Edi Rama do të të tërheq zv*rrë brenda muajit qeveria e re!”

Pas shembjeve masive të ndodhura ditët e fundit në fshatin turistik të Thethit, profesor Pëllumb Pilinçi ka zhvilluar një vizitë të papritur në zonë. I shoqëruar nga forca private sigurie, ai është takuar me banorët vendas, duke dënuar ashpër ndërhyrjet që, sipas tij, përbëjnë një akt të rëndë shkatërrues.

Profesori nuk kurseu fjalët e rënda ndaj kryeministrit Edi Rama, duke i quajtur veprimet e qeverisë si një “masakër që as Serbia nuk do ta kishte bërë dekada më parë”. Pilinçi shprehu solidaritet të plotë me banorët e prekur dhe paralajmëroi krijimin e një qeverie të re, me synimin për të rilindur Thethin si epiqendër të turizmit malor në Shqipëri.

“Kam ardhur për ju, për të gjithë ata që ju është shkatërruar prona dhe jeta. Këto toka janë trashëgimi brezash. Nuk jeni të ardhur – kjo është shtëpia juaj”, – tha ndër të tjera Pilinçi, duke theksuar se “do të tërheqim zvarrë këtë regjim që ka shkatërruar gjithçka”.

Ai përmendi edhe ndikimin e së kaluarës komuniste, që sipas tij, ka ndarë familjet dhe ka shkatërruar strukturën sociale në zonat malore. Në përmbyllje, profesori deklaroi se një ndryshim i madh është në prag dhe se një qeveri e re do të formohet “brenda këtij muaji ose në mesin e muajit tjetër”.